SANGHARSH KARNE DO

pankh to hai par ud nahi pata
pair to hain par chal nahi pata
prashasti patron ka bhojh
koi dhoyega kaise?
por-por jab hai bandha
swarn shrinkhla se
tab mukti-anand mein
koi ramega kaise?
pag jab jakar gaye
swaym ke agyan se
antr-jyoti bhuji jab
swaym ke abhimaan se
tab kaise koi dekhega
srijan ki sundarta
jeevan ki amarta
smrishti ki udaarta
prem ki madhurta
urja viheen jeevan rath
kaise apnayega divye path
vaasna ke jvaar
kar rahe shar-shar
tumhari di sankalp shakti
daanv par lagi hai--
ab tumhare bhakti
rath ke pahiye
kab ke path se utar gaye
kirti dhvja gir gayi
mandap bikhar gaye
is tute rath ko
ab kaun sambhalega?
mujhe vartmaan dekhne do
ateet mein mat bhatkao
pauranik garima ke paath
main ab nahi sununga
ateet ke geet nahi gaaunga
mujhe nahi chahiye shamshaan ki shanti
mujhe ashaant hi bane rehne do
mujhe aage badne do
veh paath padne do
ki.........
main thakun nahi
haarun nahi
bhale hi tuut jaun
bikhar jaun..

MUJHE SANGHARSH KARNE DO


(this poem has been a part of my diary since eight years...dont know who wrote it but never knew one day it will hold true for me to such an extent.......)