ANKIT'S DIARY

Apne khwabon ke sahare se gar maine aashiyaana sajaya hota
Tujhe yaad kar rone ke liye ek kona banaya hota
Gar tune apne gamon ko mujhse yun na chipaya hota
Maut bhi wapis laut jaati, tu ne gar mujhe adhoora jeena sikhaya hota
Tere chale jaane pe zindagi ki asliyat panapne lagi hai
Kaash mere saamne se ye aaina tu ne pehle hataya hota
Tere kareeb aane ko har lamha tadapta raha hun
Ek aansu hi samajh kar mujhe apni aankhon se chalkaya hota
Tera chala jaana meri kismat mein likha tha
Lekin jaane se pehle ek baar to mujhe bulaaya hota.




Har waqt wafa karne ki yun saza na dena
Meri yaadon ko apne dil mein kuch to panah dena
Duniya se ladna aasaan ho jayega
Mujhe khud se ladne ka haunsla dena
Zindagi ki dor to ek din toot hi jayegi
Bus maut ke baad ek gaz jagah dena
Apno se muh mod lena tujhse hi to seekha hai
Bin soche na meri khidmat mein faisla dena
Tadap tadap ke marna gar mujhe khuda ne baksha hai to mujhe apni saanson ka tohfa na dena.



Mere maazi de fir us paimaane mein dawa mein zeher milakar
Tere dar pe fir fariyaad liye aaya hun
Dil mein tere nafrat ki kami to na hogi
Us nafrat bhari nigaah ka didaar pane aaya hun
Ruh meri tere diye zakhmo ki aadi ho gayi hai
Kuch gehre zakhmo ka udhar lene aaya hun
Ye mohabbat ye dosti ab mujhe kuch atpati si lagti hai
Main to wahi dhokhe aur berukhi ka sansaar lene aaya hun….

SHER KI SHERNI

Chale jaoge beshak meri zindagi se, magar is dil se kis tarah jaoge.
Ayegi jab yaad meri to aansu bahaoge.
Chahoge mujhse milna par mil nahi paoge
Poochega koi mere baare mein to galti meri bataoge.
Honge tumhari mehfil mein sabhi, magar hume nahi paoge.
mehfil mein rehkar bhi, tanha ho jaoge
Sochoge jab mere bare mein, to pachtaoge.
Maana bana loge ek aur dost…
Par hume kahan se laoge…..

Hum umeedon ki duniya basate rahe
Woh pal pal hume aazmaate rahe
Jab mohabbat mein marne ka waqt aaya..
Hum mar gaye aur wo muskuraate rahe.

Jisne hume chaaha use hum chah na sake
Aur jise humne chaha use pa na sake.
Yun samajh lo ki dil todne ka khel tha..
Kisi ka toda aur apna bacha na sake.

Maana ki aaj hum akele reh gaye
Judaai ke aansu aankhon se beh gaye
Rote rahe kaun chup karata hume
Jo chup karate the wo hi rone ko keh gaye.

Mujhe rula kar wo bhi roya to hoga
Muh aansuon se usne bhi dhoyaa to hoga
Agar na kiya hai kuch haasil humne pyar mein
To kuch na kuch to usne bhi khoya to hoga.

Pyar aankhon se jataya to bura maan gaye
Haal-e-dil bataya to bura maan gaye
Wo to har roz rulaya karte the
Ek din humne rulaya to bura maan gaye.

Befikr ki fikr kar baithe hum nadaan the
Teri aadat teri fitrat se anjaan the
Waqt ne hume khilona bana diya
Warna hum bhi kabhi mehfil ki jaan the.

Dil ki baat jaanta nahi koi
Kehna in aankhon ka maanta nahi koi
Hum to jaan bhi luta de khushi se
Par ehmiyat is jaan ki jaanta nahi koi....

Masoom mohabbat ka bus itna fasaana hai
Kaagaz ki haveli hai, baarish ka zamaana hai
Kya shart-e-mohabbat hai, kya shart-e-zamaana hai
Aawaz bhi zakhmi hai aur geet bhi gaana hai
Uss paar utarne ki umeed bohot kam hai
Kashti bhi puraani hai, toofan ko bhi aana hai
Samjhe ya na samjhe wo andaaz mohabbat ke
Ek shaks ko aankhon se dil ka haal sunana hai
Bholi si surat, koi fir ishq ki zid par hai
Fir aag ka dariya hai aur doob ke jaana hai.

WAH WAH!!!!